ന്യൂഡൽഹി: ക​ണ്ണൂ​ർ, ക​രു​ണ മെ​ഡി​ക്ക​ൽ കോ​ള​ജ് പ്ര​വേ​ശ​ന​വു​മാ​യി ബ​ന്ധ​പ്പെ​ട്ട സംസ്ഥാന സർക്കാരിന്‍റെ ഓർഡിനൻസ് സുപ്രീംകോടതി റദ്ദാക്കി. പ്രവേശനം നിയമപരമാക്കിയതിനെതിരേ മെഡിക്കൽ കൗണ്‍സിൽ നൽകിയ ഹർജിയിലാണ് ജസ്റ്റീസ് അരുൺ മിശ്ര അധ്യക്ഷനായ ബെഞ്ചിന്‍റെ നടപടി.
സർക്കാരിന്‍റെ ബിൽ നിയമവിരുദ്ധമാണ്. 2016- 17 വ​​ർ​​ഷം പ്ര​​വേ​​ശ​​നം ലഭിച്ച 180 വിദ്യാർഥികളെയും ഉടൻ പുറത്താക്കണമെന്നും സുപ്രീം കോടതി ഉത്തരവിട്ടു. കോടതി ഉത്തരവ് സർക്കാർ നടപ്പാക്കിയില്ലെങ്കിൽ ഗുരുതര പ്രത്യാഘാതമുണ്ടാകുമെന്നും സുപ്രീംകോടതി അറിയിച്ചു.
മെ​ഡി​ക്ക​ല്‍ കൗ​ണ്‍​സി​ല്‍ ഓ​ഫ് ഇ​ന്ത്യ മു​ന്നോ​ട്ടു വ​ച്ച ച​ട്ട​ങ്ങ​ള്‍ ലം​ഘി​ച്ച് ക​ണ്ണൂ​ര്‍, ക​രു​ണ മെ​ഡി​ക്ക​ല്‍ കോ​ള​ജു​ക​ള്‍ പ്ര​വേ​ശ​നം ന​ട​ത്തി​യ ന​ട​പ​ടി നേ​ര​ത്തെ സു​പ്രീം കോ​ട​തി ത​ട​ഞ്ഞി​രു​ന്നു. സു​പ്രീം കോ​ട​തി​യു​ടെ ഈ ​വി​ധി മ​റി​ക​ട​ക്കാ​നാ​ണ് സ​ര്‍​ക്കാ​ര്‍ ഓ​ര്‍​ഡി​ന​ന്‍​സ് കൊ​ണ്ടു​വ​ന്ന​ത്.
ഓ​ര്‍​ഡി​ന​ന്‍​സി​ലൂ​ടെ ഈ ​ര​ണ്ടു കോ​ളജു​ക​ളി​ലേ​ക്ക് വി​ദ്യാ​ര്‍​ഥി പ്ര​വേ​ശ​നം ന​ട​ത്താ​നാ​യി​രു​ന്നു സം​സ്ഥാ​ന സ​ര്‍​ക്കാ​രി​ന്‍റെ നീ​ക്കം. നീ​​റ്റ് റാ​​ങ്ക് ലി​​സ്റ്റി​​ലു​​ണ്ടാ​​യി​​രു​​ന്ന ഈ ​​വി​​ദ്യാ​​ർ​​ഥി​​ക​​ൾ ഒ​​രു വ​​ർ​​ഷം പ​​ഠ​​നം പൂ​​ർ​​ത്തി​​യാ​​ക്കി​​യെ​​ന്നും കു​​ട്ടി​​ക​​ളു​​ടെ ദു​​രി​​തം പ​​രി​​ഹ​​രി​​ക്കു​​ന്ന​​തി​​നാ​​ണ് നി​​യ​​മ നി​​ർ​​മാ​​ണം ന​​ട​​ത്തു​​ന്ന​​തെ​​ന്നുമയിരുന്നു സർക്കാരിന്‍റെ വാദം.