മോ​സ്കോ: നിർണായക മത്സരത്തിൽ നാണംകെട്ട് അർജന്‍റീന. ഏകപക്ഷീയമായ മൂന്ന് ഗോളുകൾക്കാണ് ക്രൊയേഷ്യ മുൻ ലോകചാംപ്യന്മാരായ അർജന്‍റീനയെ ചുരുട്ടികൂട്ടി ചുരുട്ടികൂട്ടി മൂലക്കിട്ടത്‌.രണ്ടാം പകുതിയിലായിരുന്നു മത്സരത്തിലെ മൂന്ന് ഗോളുകളും പിറന്നത് . അർജന്‍റീനിയൻ പ്രതിരോധത്തെ തീർത്തും നിഷ്പ്രഭമാക്കിയായിരുന്നു ക്രൊയേഷ്യയുടെ മൂന്നാം ഗോൾ. മത്സരത്തിന്‍റെ ഇഞ്ചുറി ടൈമിൽ കൊവാസിച്ചിന്‍റെ പാസിൽ നിന്നും റാക്കിറ്റിച്ചാണ് ക്രൊയേഷ്യയുടെ ഗോൾ പട്ടിക പൂർത്തിയാക്കിയത്.

ഇതോടെ ഗ്രൂപ്പ്-ഡിയിൽ ആറ് പോയിന്‍റോടെ ക്രൊയേഷ്യ പ്രീക്വാർട്ടർ ഉറപ്പിച്ചു. അതേസമയം, അർജന്‍റീനയുടെ ലോകകപ്പ് പ്രതീക്ഷകൾ പ്രധാനമായും വെള്ളിയാഴ്ച നടക്കുന്ന ഐസ്‌ലൻ‌ഡ്- നൈജീരിയ മത്സരഫലത്തെ ആശ്ര‍യിച്ചിരിക്കും. ഇതിനു പുറമെ, അർജന്‍റീനയുടെ അവസാന മത്സരത്തിൽ നൈജീരിയോടു വലിയ മാർജിനിൽ ജയിക്കേണ്ടതും അനിവാര്യമാണ്. ആ മത്സരത്തിൽ മെസിയും സംഘവും സമനില പാലിച്ചാലും അർ‌ജന്‍റീന‍യുടെ പ്രതീക്ഷകൾ അസ്തമിക്കാം. എന്തായാലും മുൻ ലോക ചാംപ്യന്മാരുടെ ലോകകപ്പ് പ്രയാണം ഇനിയുള്ള ഗ്രൂപ്പിലെ മറ്റു ടീമുകളുടെ പ്രകടനത്തിന്‍റെ അടിസ്ഥാനമാക്കിയാവും നിർണയിക്കുക.

മത്സരം അവസാന പത്തു മിനിറ്റിലേക്ക് കടക്കവേ, അർജന്‍റീനയെ അക്ഷരാർഥത്തിൽ ഞെട്ടിച്ചാണ് ക്രൊയേഷ്യ വീണ്ടും ലീഡ് ഉയർത്തിയത്. 80ാം മിനിറ്റിൽ തകർപ്പൻ ലോങ് റേഞ്ചറിലൂടെ മുന്നേറ്റ താരം ലൂക്ക മോഡ്രിക് ആണ് ക്രൊയേഷ്യയുടെ ലീഡ് വർധിപ്പിച്ചത്.

അർജന്‍റീന ഗോൾ കീപ്പർ വില്ലി കാബെല്ലേറൊ വരുത്തിയ വൻ അബദ്ധം മുതലെടുത്താണ് ക്രൊയേഷ്യ ലീഡ് നേടിയത്. 53ാം മിനിറ്റിലായിരുന്നു തകർപ്പനൊരു വോളിയിലൂടെ റെബിച്ച് ക്രൊയേഷ്യയെ മുന്നിലെത്തിച്ചത്. പ്രതിരോധ നിരയിൽ നിന്നെത്തിയ മൈനസ് പാസ് ക്ലിയർ ചെയ്യുന്നതിൽ പിഴവു വരുത്തിയ ഗോൾ കീപ്പർ, പന്ത് തട്ടിക്കൊടുത്തത് ക്രൊയേഷ്യൻ താരത്തിന്‍റെ കാലുകളിലേക്കായിരുന്നു. തുറന്നു കിട്ടിയ അവസരം റെബിച്ച് പാഴാക്കാതെ പന്ത അർജന്‍റീനയുടെ വലയിലെത്തിച്ചു.

ഫുൾ ടൈം സ്റ്റാറ്റ്സ്

ഷോട്‌സ്- അർജന്‍റീന-10, ക്രൊയേഷ്യ-14

ഷോട്‌സ് ഓൺ ടാർഗറ്റ്- അർജന്‍റീന-3, ക്രൊയേഷ്യ-5

ബോൾ പൊസെഷൻ- അർജന്‍റീന-58%, ക്രൊയേഷ്യ-42%

കോർണർ- അർജന്‍റീന-5, ക്രൊയേഷ്യ-2

ഫൗൾസ്- അർജന്‍റീന-16, ക്രൊയേഷ്യ-22

മഞ്ഞകാർഡ്- അർജന്‍റീന-3, ക്രൊയേഷ്യ-4

ആദ്യ പകുതി

മുൻ ലോകചാംപ്യന്മാരായ അർജന്‍റീനയും ക്രൊയേഷ്യയും തമ്മിലുള്ള നിർണായക ഗ്രൂപ്പ്-ഡി മത്സരത്തിന്‍റെ ആദ്യ പകുതി ഗോൾ രഹിതം. ഇതിഹാസ താരം മെസിയും സംഘവും പ്രതീക്ഷയ്‌ക്കൊത്ത് ഉയർന്നിട്ടില്ല. ഇതിനിടെ 30ാം മിനിറ്റിൽ അർജന്‍റീനൻ മധ്യനിര താരം എൻസൊ പെരസ്, തുറന്ന പോസ്റ്റിനു മുന്നിൽ ലഭിച്ച സുവർണാവസരം പുറത്തേക്കടിച്ച് പാഴാക്കി. കളിയിൽ പന്ത് കൈവശം വച്ചിരിക്കുന്നകതിലടക്കം അർജനീനയ്ക്ക് നേരിയ മുൻതൂക്കം ഉണ്ടായിരുന്നെങ്കിലും ഉശിരൻ കളി പുറത്തെടുത്തത് ക്രൊയേഷ്യയായിരുന്നു. ദൗർഭാഗ്യം കൊണ്ടായിരുന്നു രണ്ട് ഷോട്ടുകൾ അർജന്‍റീനയുടെ ഗോൾ ലൈൻ കടക്കാതിരുന്നത്.

ഹാഫ് ടൈം സ്റ്റാറ്റ്സ്

ഷോട്‌സ്- അർജന്‍റീന-2, ക്രൊയേഷ്യ-4

ഷോട്‌സ് ഓൺ ടാർഗറ്റ്- അർജന്‍റീന-0, ക്രൊയേഷ്യ-1

ബോൾ പൊസെഷൻ- അർജന്‍റീന-55%, ക്രൊയേഷ്യ-45%

കോർണർ- അർജന്‍റീന-2, ക്രൊയേഷ്യ-1

ഫൗൾസ്- അർജന്‍റീന-7, ക്രൊയേഷ്യ-11

മഞ്ഞകാർഡ്- അർജന്‍റീന- 0, ക്രൊയേഷ്യ-1

മാച്ച് പ്രിവ്യൂ

ലോ​ക​ക​പ്പി​ൽ മു​ൻ​ചാം​പ്യ​ൻ അ​ർ​ജ​ന്‍റീ​ന​യും സൂ​പ്പ​ർ താ​രം ല​യ​ണ​ൽ മെ​സി​യും പു​തു ജീ​വ​ൻ തേ​ടി ക്രൊ​യേ​ഷ്യ​യെ നേ​രി​ടും. ഗ്രൂ​പ്പ് ഡി​യി​ലെ ശ്ര​ദ്ധേ​യ  മ​ത്സ​ര​ത്തി​നു ക​ള​മൊ​രു​ക്കു​ന്ന​ത് നി​ഷ്നി നോ​വ്ഗോ​റോ​ഡ് സ്റ്റേ​ഡി​യം.ദു​ർ​ബ​ല​രെ​ന്നു വി​ല​യി​രു​ത്ത​പ്പെ​ട്ട ഐ​സ്‌​ല​ൻ​ഡി​നോ​ടേ​റ്റ അ​പ്ര​തീ​ക്ഷി​ത സ​മ​നി​ല​യു​ടെ നി​രാ​ശ​യി​ലാ​ണ് അ​ർ​ജ​ന്‍റീ​ന. ‌സൂ​പ്പ​ർ താ​രം ല​യ​ണ​ൽ മെ​സി പെ​ന​ൽ​റ്റി ക​ള​ഞ്ഞ​തും അ​വ​രു​ടെ ആ​ത്മ​വീ​ര്യം ത​ക​ർ​ത്തു. ആ ​തി​രി​ച്ച​ടി​ക​ൾ മ​റ​ന്നാ​ൽ മാ​ത്ര​മേ ക്രൊ​യേ​ഷ്യ​യെ മ​റി​ക​ട​ക്കാ​ൻ അ​ർ​ജ​ന്‍റീ​ന​യ്ക്കു സാ​ധി​ക്കൂ. നി​ല​വി​ൽ ഒ​രു പോ​യി​ന്‍റ് മാ​ത്ര​മു​ള്ള അ​ർ​ജ​ന്‍റീ​ന​യെ ക്രൊ​യേ​ഷ്യ​യോ​ടു​ള്ള  സ​മ​നി​ല പോ​ലും വ​ൻ പ്ര​തി​സ​ന്ധി​യി​ലാ​ക്കും. അ​ത്ര മോ​ശ​ക്കാ​ര​ല്ലാ​ത്ത ക്രൊ​യേ​ഷ്യ​ക്കെ​തി​രേ യ​ഥാ​ർ​ത്ഥ നി​ല​വാ​ര​ത്തി​ലേ​ക്ക് ഉ​യ​ർ​ന്നി​ല്ലെ​ങ്കി​ൽ അ​ർ​ജ​ന്‍റീ​ന ഒ​രി​ക്ക​ൽ​ക്കൂ​ടി പ​ണി​പ്പെ​ടു​മെ​ന്ന​തും ഉ​റ​പ്പ്. അ​വ​സാ​ന 21 ഷോ​ട്ടു​ക​ളും പി​ഴ​ച്ച മെ​സി താ​ളം വീ​ണ്ടെ​ടു​ക്കേ​ണ്ട​ത് അ​നി​വാ​ര്യ​മാ​യി​ക്ക​ഴി​ഞ്ഞു. ഐ​സ്‌​ല​ൻ​ഡി​നോ​ട് 4-2-3-1 എ​ന്ന ഫോ​ർ​മേ​ഷ​നാ​ണ് കോ​ർ​ച്ച് യോ​ർ​ഗെ സാം​പോ​ളി പ​രീ​ക്ഷി​ച്ച​ത്.

ഫോ​ർ​മേ​ഷ​ൻ 3-4-3 എ​ന്ന​തി​ലേ​ക്ക് മാ​റ്റാ​ൻ സാം​പോ​ളി തു​നി​യു​മെ​ന്നാ​ണ് സൂ​ച​ന. ശൈ​ലീ​മാ​റ്റ​ത്തി​ന് അ​നു​സൃ​ത​മാ​യി വി​ങ്ങ​ർ ക്രി​സ്റ്റ്യ​ൻ പാ​വോ​ൻ ആ​ദ്യ ഇ​ല​വ​നി​ൽ ഇ​ടം​നേ​ടി​യെ​ടു​ത്തേ​ക്കും. ഗ​ബ്രി​യേ​ൽ മെ​ർ​ക്കാ​ഡോ​യും മാ​ർ​ക്കോ​സ് അ​കു​ന​യും മ​ട​ക്കി​വി​ളി​ക്ക​പ്പെ​ടാ​നും സാ​ധ്യ​ത​യു​ണ്ട്. മ​റു​വ​ശ​ത്ത് നൈ​ജീ​രി​യ​യ്ക്കു​മേ​ൽ നേ​ടി​യ വി​ജ​യം ക്രൊ​യേ​ഷ്യ​യു​ടെ മ​നോ​ബ​ലം കൂ​ട്ടി​യി​ട്ടു​ണ്ട്. ആ​ദ്യ മ​ത്സ​ര​ത്തി​ൽ ഒ​ത്തി​ണ​ക്ക​മു​ള്ള നീ​ക്ക​ങ്ങ​ൾ ന​ട​ത്താ​ൻ ക്രൊ​യേ​ഷ്യ​യ്ക്കാ​യി, ലൂ​ക്ക മോ​ഡ്രി​ച്ചി​ന്‍റെ ഉ​ശി​ര​ൻ ഫോം ​ക്രൊ​യേ​ഷ്യ​യ്ക്ക് ഗു​ണ​മാ​കും. ഇ​വാ​ൻ റാ​ക്കി​റ്റി​ച്ചി​നെ​യും മ​രി​യോ മാ​ൻ​സു​കി​ച്ചി​നെ​യും പോ​ലെ ഒ​റ്റ​യ്ക്കു മ​ത്സ​ര​ഗ​തി മാ​റ്റി​മ​റി​ക്കാ​ൻ ശേ​ഷി​യു​ള്ള​വ​രും ക്രൊ​യേ​ഷ്യ​ൻ നി​ര​യി​ലു​ണ്ട്. സ്ട്രൈ​ക്ക​ർ നി​ക്കോ​ള കാ​ലി​നി​ച്ചി​നെ പു​റ​ത്താ​ക്കി​യെ​ന്ന​തു മാ​ത്രം ടീം ​നേ​രി​ടു​ന്ന ഏ​ക അ​സ്വ​സ്ഥ​ത. അ​ർ​ജ​ന്‍റീ​ന​യെ അ​ട്ടി​മ​റി​ച്ച്  പ്രീ- ​ക്വാ​ർ​ട്ട​ർ ഉ​റ​പ്പി​ക്കാ​ൻ ത​ന്നെ​യാ​വും ക്രൊ​യേ​ഷ്യ ക​ളം​തൊ​ടു​ക.

സ്റ്റാർട്ടിങ് ഇലവൻ

അർജന്‍റീന- ഫോർമേഷൻ: 3-4-2-1
കാബല്ലേറൊ, മെർകാഡോ, ഒറ്റാമെൻഡി, റ്റാഗ്ലിയഫികൊ, സാൽവിയോ, പെരസ്, മഷ്റാനൊ, അകുന, മെസി, മെസ, അഗ്വീറൊ

ക്രൊയേഷ്യ, ഫോർമേഷൻ 4-1-4-1
സുബാസിക്, സ്ട്രിനിക്, വിദ, ലൊവ്റെൻ, വർസായികൊ, ബ്രൊസോവിക്, പെരിസിക്, റാക്കിറ്റിച്ച്, മൊഡ്രിക്, റെബിക്, മാൻഡ്‌സുകിക്.

സ്റ്റാറ്റ്സ്

• ക്രൊയേഷ്യയും അർജന്‍റീനയും മുഖാമുഖം വരുന്നത് അഞ്ചാം തവണ
• മെസി അർജന്‍റീനിയൻ കുപ്പായത്തിൽ നേടിയ ആദ്യ ഗോൾ ക്രൊയേഷ്യക്കെതിരേയാണ് (2006ൽ)
• ഐസ്‌ലൻഡുമായുള്ള കഴിഞ്ഞ മത്സരത്തിൽ മെസി 11 ഷോട്ടുകൾ ഉതിർത്തെങ്കിലും ഗോൾ നേടാനായില്ല