ശ്രീകുമാരന് തമ്പിക്ക് ജെ.സി ഡാനിയേല് പുരസ്കാരം
![](https://pravasalokham.com/wp-content/uploads/2018/03/sreekumaran-thampi.jpg)
തിരുവനന്തപുരം: മലയാള ചലച്ചിത്രരംഗത്തെ സമഗ്രസംഭാവനയ്ക്കുള്ള ജെ.സി ഡാനിയേല് പുരസ്കാരത്തിന് പ്രശസ്ത ഗാനരചയിതാവും സംവിധായകനുമായ ശ്രീകുമാരന് തമ്പിയെ തിരഞ്ഞെടുത്തു. സാംസ്കാരിക വകുപ്പ് മന്ത്രി എ.കെ ബാലനാണ് ഇക്കാര്യം അറിയിച്ചത്. അഞ്ച് ലക്ഷം രൂപയും പ്രശസ്തിപത്രവും ഫലകവുമാണ് അവാര്ഡ്.
കൊല്ലത്ത് നടക്കുന്ന ചലച്ചിത്ര അവാര്ഡ്ദാന ചടങ്ങില് പുരസ്കാരം സമര്പ്പിക്കും. സംസ്ഥാന സര്ക്കാരിന്റെ ഏറ്റവും വലിയ ചലച്ചിത്ര പുരസ്കാരമാണ് ജെ.സി ഡാനിയേല് പുരസ്കാരം.
നടന് മധു ചെയര്മാനും സംവിധായകന് സത്യന് അന്തിക്കാട്, നിര്മാതാവ് സിയാദ് കോക്കര്, ചലച്ചിത്ര അക്കാദമി ചെയര്മാന് കമല്, സാംസ്കാരിക വകുപ്പ് സെക്രട്ടറി റാണി ജോര്ജ് എന്നിവര് അംഗങ്ങളുമായ സമിതിയാണ് പുരസ്കാര ജേതാവിനെ തെരഞ്ഞെടുത്തത്.
0 Comments