ഷാർജ . ഇന്ത്യൻ സംഗീത ലോകത്തെ ഇതിഹാസ സംഗീതകാരൻ ഇളയ രാജ വെള്ളിയാഴ്ച്ച ഷാർജ രാജ്യാന്തര പുസ്തക മേളയിൽ ആസ്വാദകരുമായി സംവദിച്ചു.രാത്രി 8.30 മുതൽ 10.30 വരെ ബോൾ റൂമിൽ നടന്ന ‘മഹാ സംഗീതജ്ഞന്റെ ജീവിത യാത്ര കേൾക്കാൻ നിരവധി പേർ ഒത്തുകൂടി. ഇളയരാജയുടെ സംഗീത സഞ്ചാരം’ എന്ന പരിപാടിയിൽ അമ്പതാണ്ട് പിന്നിട്ട തന്റെ സംഗീത സപര്യയെക്കുറിച്ച് ഇളയരാജ സംസാരിച്ചു . പാടിയും പറഞ്ഞും തന്റെ സംഗീത വഴികളിലൂടെ ഇളയരാജ പ്രേക്ഷകർക്കൊപ്പം സഞ്ചരിച്ചപ്പോൾ അതൊരു നവ്യാനുഭവമായി .
ഈ വർഷത്തെ പുസ്തകമേളയിൽ ആസ്വാദകരുടെ പങ്കാളിത്തം കൊണ്ടും അതിഥിയുടെ വിസ്മയകരമായ പ്രതിഭ കൊണ്ടും സമാനതകളില്ലാത്ത അനുഭവമായിരുന്നു ഇളയരാജയുടെ സംഗീത സഞ്ചാരം . ഇളയരാജക്കൊപ്പമുള്ള സംഗീത സാന്ദ്രമായ രണ്ട് മണിക്കൂർ നീനീണ്ട പരിപാടിയിൽ പങ്കെടുതവർക്കു ഒരിക്കലും മറക്കാൻ കഴിയാത്ത അനുഭവമായിരുന്നു .
സംഗീത ജീവിതത്തിലെ ക്രിയാത്മക തലങ്ങൾ,സംഗീതത്തിലൂടെയുള്ള വളർച്ച,ഇന്ത്യൻ സംഗീത ലോകത്ത് സൃഷ്ടിച്ച മാസ്മരികത എന്നിവയെക്കുറിച്ച് അദ്ദേഹം ശ്രോതാക്കളോട് മനസ് തുറന്നു .. ശ്രോതാക്കൾക്ക് ഇളയരാജയോട് ചോദ്യങ്ങൾ ചോദിക്കാനും അവസരം ലഭിച്ചു . പരിപാടിക്ക് ശേഷം ഇളയരാജ എഴുതിയ പുസ്തകം ഒപ്പിട്ട് വാങ്ങാനുള്ള സൗകര്യവും ഒരുക്കിയിരുന്നു .
ഒൻപത് ഭാഷകളിലായി 1428 സിനിമകൾക്ക് സംഗീതം പകർന്ന ഏക സംഗീതജ്ഞൻ എന്ന ലോക റെക്കോർഡ് ഇളയരാജക്ക് സ്വന്തമാണ്. 8500 ഗാനങ്ങൾക്ക് ഈണം പകർന്ന ഇളയരാജ ഇരുപതിനായിരത്തിലധികം കച്ചേരികൾ നടത്തിയിട്ടുണ്ട്.
ശാസ്ത്രിയ സംഗീതത്തിന് പുതിയ ഭാവുകത്വം നൽകിയ കർണാടിക് സംഗീതജ്ഞൻ സഞ്ജയ് സുബ്രഹ്മണ്യനാണ് സംവാദത്തിന് നേതൃത്വം നൽകിയത് .
