തിരുവനന്തപുരം: സിപിഎം സംസ്ഥാന സെക്രട്ടറി സ്ഥാനമൊഴിയാൻ സന്നദ്ധതയറിയിച്ച് കോടിയേരി ബാലകൃഷ്ണൻ. മുഖ്യമന്ത്രിയുമായി എകെജി സെന്‍ററിൽ നടത്തിയ കൂടിക്കാഴ്ചയിൽ സെക്രട്ടറി സ്ഥാനത്തു നിന്ന് മാറിനിൽക്കാൻ സന്നദ്ധത അറിയിച്ചതായാണ് സൂചനകൾ. ബി​നോ​യ് കോ​ടി​യേ​രി അ​റ​സ്റ്റി​ലാ​കു​ന്ന സാ​ഹ​ച​ര്യം ഉണ്ടാ​യാ​ൽ സെ​ക്ര​ട്ട​റി സ്ഥാ​ന​ത്തു നി​ന്നു മാ​റി​നി​ൽ​ക്കാ​മെ​ന്ന അ​ഭി​പ്രാ​യം പാ​ർ​ട്ടി ജ​ന​റ​ൽ സെ​ക്ര​ട്ട​റി അ​ട​ക്കമു​ള്ള​വ​രെ അ​ദ്ദേ​ഹം അ​റി​യി​ച്ചി​ട്ടു​ണ്ട്.

സം​സ്ഥാ​ന സെ​ക്ര​ട്ട​റി​യേ​റ്റ് യോ​ഗ​ത്തി​നു മു​മ്പ് എ​കെ​ജി സെ​ന്‍റ​റി​ൽ ശ​നി​യാ​ഴ്ച രാ​വി​ലെ​യാ​യി​രു​ന്നു മു​ഖ്യ​മ​ന്ത്രി​യും കോ​ടി​യേ​രി​യും കൂ​ടി​ക്കാ​ഴ്ച ന​ട​ത്തി​യ​ത്. ശാ​ന്തി​ഗ​രി ആ​ശ്ര​മ​ത്തി​ൽ ആ​യു​ർ​വേ​ദ ചി​കി​ത്സ​യി​ലാ​യി​രു​ന്ന കോടിയേ​രി ശനിയാ​ഴ്ച രാ​വി​ലെ​യാ​ണ് എ​കെ​ജി സെ​ന്‍റ​റി​ലെ​ത്തി​യ​ത്. ‌എ​ന്നാ​ൽ അ​ദ്ദേ​ഹം മാ​ധ്യ​മ​ങ്ങ​ളോ​ട് സംസാരി​ക്കാ​ൻ കൂ​ട്ടാ​ക്കി​യി​ല്ല.

ഇ​ന്ന​ത്തെ സെ​ക്ര​ട്ട​റി​യേ​റ്റ് യോ​ഗ​ത്തി​ലും നാ​ളേ​യും മ​റ്റേ​ന്നാ​ളും ചേ​രു​ന്ന സം​സ്ഥാ​ന സ​മ​തി​യി​ലും ബി​നോ​യ് വിഷയം ച​ർ​ച്ച​യ്ക്ക് വ​ന്നേ​ക്കും. മ​ക്ക​ൾ കാ​ര​ണം പ​ല​ത​വ​ണ വി​വാ​ദ​ത്തി​ലാ​യ കോ​ടി​യേ​രി​യെ പാ​ർ​ട്ടി ഇ​തു​വ​രെ സം​ര​ക്ഷി​ച്ചു നി​ർ​ത്തു​ക​യാ​യി​രു​ന്നു. ബി​നോ​യ് വി​ഷ​യ​ത്തി​ൽ ഇ​തു​വ​രെ ഒ​രു പ്ര​തി​ക​ര​ണ​ത്തി​നും കോ​ടി​യേ​രി തയാ​റാ​യി​ട്ടി​ല്ല.

മു​ഖ്യ​മ​ന്ത്രി പി​ണ​റാ​യി വി​ജ​യ​നും പ്ര​തി​ക​രി​ച്ചി​ട്ടി​ല്ല. ബി​നോ​യ് കോ​ടി​യേ​രി​ക്കെ​തി​രെ ബീ​ഹാ​ർ സ്വ​ദേ​ശി​യാ​യ യുവ​തി​യാ​ണ് പീ​ഡ​ന​പ​രാ​തി ന​ൽ​കി​യ​ത്. മും​ബൈ പൊലീ​സ് ബി​നോ​യി​ക്കാ​യി തെ​ര​ച്ചി​ൽ ഊർജിതമാക്കിയിരിക്കു​ക​യാ​ണ്. ബി​നോ​യ് കേ​ര​ളം വി​ട്ടി​ട്ടി​ല്ലെ​ന്നാ​ണ് പൊലീ​സിന്‍റെ നിഗമനമെന്നാണ് റിപ്പോർട്ടുകൾ.