പൊന്നാനിയില്‍ മകളുടെ നഗ്നത കാമുകന് പ്രദര്‍ശിപ്പിച്ചു,അമ്മ പിടിയില്‍
പൊന്നാനി: 13 വയസുകാരിയായ മകളുടെ നഗ്നത കാമുകന് മുന്‍പില്‍ പ്രദര്‍ശിപ്പിച്ച യുവതിയെ ചങ്ങരംകുളം പോലിസ് അറസ്റ്റ് ചെയ്തു. പള്ളിക്കര സ്വദേശിയായ യുവതിയെയാണ് പോക്‌സോ നിയമപ്രകാരം പോലിസ് അറസ്റ്റ് ചെയ്തത്. മാതാവിന്റെ കാമുകനെതിരെയും കേസ് രജിസ്റ്റര്‍ ചെയ്തിട്ടുണ്ടെങ്കില്‍ ഇയാള്‍ വിദേശത്തായതിനാല്‍ പിടികൂടാന്‍ കഴിഞ്ഞിട്ടില്ല. രണ്ട് വര്‍ഷം മുന്‍പാണ് കേസിന് ആസ്പദമായ സംഭവം നടന്നത്. സ്‌കൂളില്‍ വെച്ച് നടന്ന കൗണ്‍സിലിംഗില്‍ കുട്ടി വിവരം പുറത്ത് പറഞ്ഞത്.
സ്‌കൂള്‍ അധികൃതര്‍ ചൈല്‍ഡ് ലൈനില്‍ വിവരമറിയിക്കുകയായിരുന്നു. ചൈല്‍ഡ് ലൈന്‍ വിവരമറിയിച്ചതനുസരിച്ചാണ് പോലീസ് കേസെടുത്ത് അന്വേഷണം ആരംഭിച്ചത്.മഞ്ചേരി കോടതിയില്‍ ഹാജരാക്കിയ മാതാവിനെ റിമാന്‍ഡ് ചെയ്തു. വിദേശത്തുള്ള കാമുകനെ പിടികൂടുന്നതിന് പോലിസ് ശ്രമങ്ങള്‍ ആരംഭിച്ചു. പെണ്‍കുട്ടിയെ മഞ്ചേരി നിര്‍ഭയ ചില്‍ഡ്രന്‍ ഹോമിലേക്ക് മാറ്റി. കാമുകനായ മറ്റൊരു പ്രതി ഒളിവിലാണെന്ന് പോലിസ് പറഞ്ഞു
0 Comments