കുഞ്ഞുനാളിലെ ഓർമ്മചിത്രങ്ങൾ പൊടിതട്ടിയെടുക്കുമ്പോൾ മനസ്സിൻ മുറ്റത്തേക്കു ചിതറിത്തെറിക്കുന്ന ചില സുലൈമാനി തുള്ളികൾ !

അതിലേറ്റവും മധുരം നോമ്പ് കാലത്തേ ആ  സുലൈമാനിയാണ്.അത്താഴത്തിലെ സുലൈമാനി..

നോമ്പ് തുടങ്ങിയാൽ മനസ്സിന് ഏറ്റവും ആഹ്ലാദം തോന്നുന്ന രണ്ടു സന്ദർഭങ്ങൾ .  മഗ്‌രിബിന് അല്പം മുൻപ് എല്ലാ പലഹാരങ്ങളും ഒറ്റയിരിപ്പിന് അകത്താക്കണമെന്ന ആശയോടെ ബാങ്ക് ചെവിയോർത്തിരിക്കുന്നത് ആണ് അതിലൊന്ന് . മറ്റൊന്ന്  പുലർച്ചെ  അത്താഴത്തിന് വീടിന്  തൊട്ടടുത്തുള്ള മൂത്തുമ്മാന്റെ വീട്ടിൽ അവരുടെ മക്കളുടെ കൂടെ സൊറ പറഞ്ഞും കളിച്ചും പിന്നീട്  മൂത്തുമ്മാന്റെ മകൾ  സൽ‍മ ഇത്തയുടെ നേതൃത്വത്തിൽ ഉള്ള സുബ്ഹി നിസ്കാരം …

എല്ലാ കാര്യങ്ങൾക്കും ചിട്ടവട്ടങ്ങളുള്ള ആളാണ് മൂത്താപ്പ . എന്ത് ചോദ്യങ്ങൾക്കും വ്യക്തമായും കൃത്യമായും അഭിപ്രായമുള്ള ആൾ.തലശ്ശേരിയിലെ  തറവാട്ടിലേക് മൂത്തുമ്മ താമസം മാറിയപ്പോൾ ഞാനാണേറ്റവും സന്തോഷിച്ചത് . അഞ്ചു പെൺകുട്ടികളും ഒരു ആണ്കുട്ടിയുമാണ് അവർക്കു .  അതിൽ രണ്ടു പേർ എന്റെ സമപ്രായക്കാർ . വീട്ടിൽ ഉള്ളപ്പോഴൊക്കെ മൂത്താപ്പ ഞങ്ങള്ക് കഥകൾ  പറഞ്ഞുതരും . ചിലപ്പോ ചില ഹദീസുകൾ മറ്റുചിലപ്പോ അവരുടെ കുട്ടികാലത്തെ കാര്യങ്ങൾ , അങ്ങനെ അങ്ങനെ …

പെട്ടന്ന് എന്തോ ശബ്ദം കേട്ട് ഞാൻ ഞെട്ടിയുണർന്നു . ഒരു മിന്നായം പോലെ എന്തോ ഒന്ന് എന്റെ മുകളിലൂടെ ..സുമീ  സുമീ ..ചടപടാന്ന് എണീറ്റ സുമയ്യ – എന്തെനൂ ?

ഞാനതൊന്ന് തിരിച്ചും മറിച്ചും നോക്കി . ദബ്ബ്  കൂട്ടാനുള്ള എന്റെ വിഫലശ്രമം കണ്ട അവൻ ചിരി തുടങ്ങി .എന്താ ഇപ്പൊ ഇത്ര ചിരിക്കാനെന്ന എന്റെ ഭാവം കണ്ടിട്ടാവാം അവൻ ചിരി നിർത്തിയത് ..